ارسل الخبر لصديق
|
|
|
|
|
PalPress
تسجيل دخول / تسجيل
مواطن غلبان في حديث خاص لصحيفة 'الحيران' الأجنبية
على حماس ان تترحم على عرفات.... وان تعتذر من عباس
27/08/2011 [ 21:00 ]
تاريخ اضافة الخبر:
بقلم : عماد موسى

عرج صحفي اجنبي على مركز المدينة ليجمع اراء الشارع حول ما يجري من أحداث في غزة بعيد عمليات ايلات، وليجري استطلاعات للرأي، فاصطدم بمواطن غلبان،اعتذر منه قائلا: نود ان نجري معك حوارا حول اللي صار في غزة بعد عملية ايلات.
أجاب المواطن: انا مستعد للحوار مع اني ما بفهم بالسياسة بشرط تنشر اللي بقولو حرفيا وما بتحذف أي حرف... هو انا غشيم عنكم انتو الصحافيين  بتكتبوا اللي بدكم اياه وبتتركو اللي بدنا اياه آه..آه.. منكم.
الصحافي : أنا مش من هون ..
انا اجنبي بوعدك انشر كل كلمة بتقولها.
المواطن الغلبان:وعد
الصحافي:  شو رأيك بتوقيت العملية،
الغلبان: بتسألني ولا بتسأل حماس..؟
 أنا في رأيي زفت... ومش وقتو
الصحافي: اسرائيل حملت المسؤولية لحماس..
 وانت شورأيك؟
انا رأيي حماس متخصصة في العمليات الانتحارية
لما بكون شارون بس في البيت الأبيض زي منتا عارف
وحماس ما الها علاقة مباشرة باللي صار بايلات
الصحافي: كيف عرفت
المواطن: صحيح أنا غلبان ...
بس بدهاش حسبة وشطارة..
بس بدها شوية جسارة لقول الحق والحقيقة. بس هي راضية عن اللي صار
في الها مصلحة، ترجع تحت الأضواء والحكومات والدول تحكي معها موش مع عباس
زي منتا شايف... حماس بدها تهدي الوضع ، حماس اتصلت بمصر ... البحر: يعتبر اطلاق الصواريخ عبث فوضوي، وعباس لما قال لحماس صواريخ عبثية ... قامت حماس وبعدها بتقعد.
شوفت ليش الها مصلحة.
 
الصحافي: اسرائيل بتقصف غزة رد عالعملية...
 وشو رأيك في ضرب اسرائيل لغزة.؟
المواطن: بكرة بتوقف  اسرائيل القصف..
 لأنو البركة بحماس.. اخذت عهد على نفسها... بأن تطلق النار على كل من يحاول إطلاق صاروخ،
وحماس شو بدك بالحكي الفاضي يا عمي ام الوفا... بتوفي بوعدها وبتلتزم بعهدها،
 ياما طخت ناس في رجليها واعتقلت ناس، موش زي سلطة عباس ، لما كانت في غزة... عيب ياشباب... روحو من هين ياشباب... السلطة بدها عنف وذبح زي العنف  حمساوي مبرر من عند الله بتطخ كل مين بخالفها بلرصاص للمشكلة بتدواي.
الصحافي : طيب ليش حماس كانت تعمل عمليات انتحارية وتطلق صواريخ ؟،
 ولما كان ابومازن يطلب منها ضبط النفس والالتزام بوقف العمليات والصواريخ واحترام التهدئة بترفض
المواطن: انت قلت مش انا، ابو مازن يطلب ، وأضاف المواطن الغلبان لصيحفة الحيران الاجنبية: لأن حماس لا تعترف بمنظمة التحرير ولا بالسلطة ولا بالاتفاقات ولابالمعاهدات الدولية ولا بتعترف بأحد بس الاخوان في كل مكان.وبامارة ابوفراس الحمدان المهم الامارة
الشعب شوبدو يعمل في الدولة ما بتلزمو.
ولأنو مصلحتها في تدمير السلطة ونجحت في دفع اسرائيل  لاحتلال الضفة وتدمير مقرات الامن والسلطة وحصار عرفات.
الصحافي: بتسمع اخبار
المواطن: هي هاي، في عندي اشي غير الشغلة..
الصحافي : بتسمع تصريحات حماس
المواطن: وبس شغلتي اسمع تصريحات الجميع
الصحافي: شو رأيك بلي حكاه بحر
المواطن : قصدك اللي حكاه عن المصلحة الوطنية العليا للشعب الفلسطيني
واللي بتطلب وقف اطلاق الصواريخ والالتزام بالتهدئة
المواطن الغلبان: لصيحفة الحيران:
والله ما على حماس رباط مثل شباط، وبتفكر انو احنا ما منفهم وقطيع بقر،وهمو بستغلوا صلاتنا وصومنا ،وبتقلنا حماس يا عباد الله صدقو قل حرف منقولوا،... لو سمحت لي ... اجا دوري أسألك علشان تسأل حماس:
الصحافي :تفضل ياحجي: المواطن: ليش حماس كانت تقوم بعمليات في الباصات لما شارون يكون في البيت الابيض؟ وطنية زايدة.. موش هيك..
وليش كانت تطلق صواريخ ؟ وليش كل ما يطلب منها ابومازن الالتزم كانت تزيد الضرب الصاروخي والاعلامي ضد ه؟
قامت اسرائيل باجتياح غزة، مين بتحمل المسؤولية، وبدي أسألك مين خطف غزة، عن الوطن وصنع راية غير راية فلسطين،  ورفع لحزبو  علم وركب سيارة مرسيدس مع انو موعود بالجنة  موش الاخرة احسن؟
 وكيف يمكن ان ترجع غزة للوطن؟وفي حكومة  وامن وصواريخ واعلام. وبدك غزة ترجع
أمل ابليس في الجنة، لانو مصلحة اسرائيل وحماس تظل غزة دولة مستقلة عن الضفة واسرائيل بتسميها امارة جهادية. ولما هددت اسرائيل وقالت حماس تتحمل المسؤولية عن عملية ايلات وفلان وفلان وعلان على بنك  الاهداف  وعلى كشف الاغتيالات...؟
رجعت الذاكرة للبحرفقال: عن المصلحة الوطنية ما قالو في الاعلام، .. ولا تنسى تكتب العليا.
 أما في زمن الختيار  ما كان في مصلحة وطنية .. لا عليا
 بل.. مصلحة دنيا واطية يعني،
دنيوية كانت  في زمنك يا ختيار
 والمصلحة  الوطنية العليا حط تحتها الف خط وخط هي المصلحة الحمساوية المقدسة والواحدة والوحيدة ،ولان مفهوم حماس في المصلحة الوطنية ثابت لايتغير عندما كانت تطلق النارو السلطة تطلب منها توقف
كانت تتهم السلطة بانها بتحمي الاحتلال وحماس هي شعلة المقاومة واما السلطة فجماعة اوسلو يلعن ابو اوسلو ،
 وفي عهد ابومازن  نفس الشيء المصلحة الوطنية الحمساوية هي في استمرار الانقلاب
 ومع تداعياته حتى يتم  استدراج الاحتلال والياته.
واليوم حماس بتتحمل المسؤولية، وهيها بتتصل بالمصريين وبالامريكان والاتراك بدها تهدئة وحماس بتتكفل بالباقي ويا ويلو اللي برمي صاروخ على اسدود راح صير شهيد برصاص حماس او  طايش ...  فاطلاق النار على رماة الصواريخ وطنية عليا يا عينية؟ واللي بطلقها خائن وعميل.. سبحان مغير الأحوال... لما كانو بيطلقو صواريخ شو كان الحكي..؟
شوفت كيف حماس بترجم المصلحة الوطنية العليا،
الصحافي انا بشكرك عالصراحة والوضوح. كلمة أخيرة  لو سمحت ...: بس  بشرط تحط هالكلمة عنوان المقابلة
الصحافي: تفضل: بس تكون كلمة قصيرة...
المواطن ولا بتسمع في حياتك اقصر من هيك كلام الصحافي :شوقتني... تفضل احكي المواطن:
على حماس ان تترحم على عرفات وان تعتذر لعباس
الصحافي: ليش عرفات وعباس بدي افهم
المواطن بسيطة: موش حماس ظلت تطج عمليات في الباصات وتحمل اسرائيل عرفات المسؤولية  فاجتاحوا الضفة وحاصروه في المقاطعة  حتى روحو من الدنيا...
وحماس ظلت تقصف بالصواريخ  حتى صبت اسرائيل عملية رصاص مصبوب على غزة وهاي غزة مدمرة وبدها اعمار، وحماس بتحكي حكي ملبس علوز عن المصالحة بس وين المصالحة انا بقلك  بالنيابة عن حماس ... حماس ما بدها مصالحة. لانو اذا عملت مصالحة شو راح تشغل؟
 وزي ما انت شايف اللي عملتو حماس في ابوعمار وعملتو في عهد ابومازن رح يرتد عليها لان اسرائيل بتحملها المسؤولية، وما في داعي تراجع موقفها من وقف الصواريخ وتهدد من يطلقها وبتعتقلو اوبتطلق النار عركبو  كرمال عيونك يالمصلحة الوطنية، وليش اليوم بسميها البحر عبثية فوضوية وليش ما كانت تعرف هالمصلحة الوطنية قبل هيك ،ولما كانت فتح بالسلطة وقبل الانقلاب،اليوم  الوضع تغير  حماس هي السلطة و هي الامارة  الجهادية بمواصفات اوسلوية في غزة  من هون بدها تحافظ على وجودها وتحمي راسها باسم المصلحة الحزبية عذرا نسيت المصلحة الوطنية العليا للشعب الفلسطيني.
وانتهت المقابلة مع المواطن الغلبان وكله أمل أن تنشر صيحفة الحيران كلامه المسؤول مع انه غير مسؤول، فهل ستنشر الصحافة مقابلته، لنر معا حرية النشر والتخويف والتخوين  والتكفير فهي  مكفولة في الوطن العربي ووارجاء العالم ...؟
تعليقات الفيسبوك
تعليقات الموقع