ارسل الخبر لصديق
|
|
|
|
|
PalPress
تسجيل دخول / تسجيل
من ساحات القضاء لساحة السوشيال ميديا..رسالة أحمد عز ورد زينة
17/01/2016 [ 12:27 ]
تاريخ اضافة الخبر:

فلسطين برس.

من ساحات القضاء الى مواقع التواصل الاجتماعى انتقلت قضية أحمد عز وزينة ، تلك القضية التى تعددت فيها الأقاويل وتوالت فيها المفاجأت وانهاها القضاء بحكم نهائى ..

لكن الجدال انتقل الى ساحة أخرى تسمح للجميع بالتعليق والرد والنقاش لساعات طويلة بلا انقطاع . 

حيث كتب عز على صفحته الرسمية رسالة وجهها لجمهوره ولأم ابنائه "زينة"، مؤكداً فيها أنه ليس والد توأم زينة وجاء في الرسالة التي نشرها عز : 

مساء الفل ياعيلتي واهلي،
كتير سألوا عليا امبارح وانا باطمنكوا انا الحمد لله كويس وزي الفل وراضي باللي ربنا كاتبهولي كله، انا كمان مش بس راضي انا سعيد "بالابتلاء" اللي انا فيه عشان واثق في ربنا وفي نصره ان عاجلا او اجلا!!! وان اللي انا فيه ده ماهو الا رفع درجات بإذن الله. طبعا انا لا اعلق علي احكام القضاء ومش هاطلع اعمل دوشه ولا اتكلم عشان انا سايب حقي علي ربنا العادل الحق. اللي بقولهولكوا دلوقتي هو نفسه اللي بقوله من اول يوم في القضيه وهافضل أقوله لآخر نفس في عمري.. وبأشهد الله علي كلامي ده بل وأقسم بالله العلي العظيم "اني ماتجوزتهاش ولا رسمي ولا عرفي ولا شفهي ولا ثانيه وان شاالله يكون معاها ١٠٠ حكم و١٠٠ شهاده ميلاد برضه مش ولادي"

بسم الله الرحمن الرحيم
(ولا تحسبن الله غافلاً عما يعمل الظالمون انما يؤخرهم ليومٍ تشخص فيه الأبصار)
صدق الله العظيم

احمد عز

وتوالت التعليقات التي تهاجم عز خاصة من الفتيات ، ولكن كان هناك تعليقاً لإحدى متابعات صفحة «عز» حاز على أكثر من 2400 إعجاب حيث ردت الفتاة على عز قائلة : 
طيب لما انت مظلوم كدا وواثق في نفسك مرضيتش ليه تعمل تحليل DNA كنت هتعاطف معاك لو كنت عملته لكن بعد رفضك دا بياكد انك كداب وخايف وبكره تتمني تشوفهم وهما اللي مش هيرضوا وهتندم لان الشهره مش دايمالك وفعلا(و لاتحسبن الله غافلا عما يعمل الظالمون)


فيما قامت الفنانة زينة بكتابة تدوينة مطولة على حسابها الرسمي على تطبيق إنستجرام، ومن خلال التدوينة ردت زينة على الكلمات الجارحة التي كان كتبها أحمد عز في رسالته إلى جمهوره عبر حسابه على موقع التواصل الاجتماعي فيسبوك.

زينة وصفت أحمد عز بصفات سيئة خلال كلماتها، ووجهت نصيحة للفتيات عند اختيار شريك حياتهن.

وكتبت زينة قائلة:

الحمد لله:"
بشكر القضاء المصري العظيم اللي أظهر الحق الحمد لله عاوزة أوضح حاجة علشان الكذب المستمر، الحكم الحمد لله بيعتمد على إثبات الزواج وبناء عليه تم إثبات النسب أنا كنت ملتزمة الصمت واتعرضت للإشاعات الحقيرة وكنت بشوف اللي بيتقال عليا والحقيقة إني كنت واثقه في عدل ربنا الحمد لله .

الانتصار ده انتصار مش ليا لوحدي ده للستات كلهم القضية دي في منها كتير بس قضيتي اتحولت لرأي عام علشان أنا مشهورة والطرف التاني برده، نفسي كل ست مظلومة تاخد حقها حتى لو غلطت واتجوزت وأحد عديم الضمير والإنسانية وكداب بس كداب حتى في النفس اللي بيتنفسه، ربنا يكفي كل البنات شر عديمي الرجولة ويكرم كل البنات بناس محترمة تحافظ عليهم وأكيد في ناس محترمة كتير.

يارب يستر كل البنات ويحفظهم.

ربنا أظهر الحق الحمد لله وأنا عاوزه أعيش وأربي ولادي وأشوف شغلي وأنسى الأيام السودة اللي شفتها من أول الجواز لغاية يوم الحكم، مش عاوزة أسمع إسم أبو أولادي ده تاني ولا حتى حد يغلط فيه علشان مايصحش للأسف علشان ولاده، وربنا كبير ولسه حسابه عند ربنا الله يكون في عونه بقى ساعة الحساب اللي مافيهاش معجبات
فرحت الناس بظهور الحق أكتر حاجة حسستني إن الناس معايا أو تحديدا مع الولاد، مين ممكن يعادي أطفال ويظلمهم غير جاحد شيطان فرخه حتى ماحصلش دجاجه". 

تعليقات الفيسبوك
تعليقات الموقع